ولما أبويا تمسك بأمي ورفض يتراجع جدي نفذ تهديده وبعت له رسالة واضحة إنه اتبرأ منه وإنه يعتبر نفسه مبقاش له ابن اسمه محمود وإنه ممنوع يرجع القرية مهما حصل
أبويا اتوجع من القرار لكنه رفض يسيب أمي أو يرجع عن اختياره واتجوزها في فرح بسيط حضره خالها وأهلها وبعض زمايله في الشغل ومن يومها بدأ حياة جديدة بعيد عن عيلته ومع مرور السنين استقر في شغله وخلفني أنا نور وبقى يعتبرني أنا وأمي كل حياته

كبرت وأنا شايفة أبويا بيحبنا وبيخاف علينا وبيعمل المستحيل عشان يوفر لنا حياة مستقرة لكن كان فيه سؤال واحد كل ما أسأله عنه يضايق ويسكت وهو سؤال أهله ولما كبرت شوية بقيت أسأله ليه عمري ما شفت جدي أو أعمامي وليه مفيش حد من ناحيته بيزورنا فكان يرد بنفس الجملة

إنه معندوش أهل وإنه مش عايزني أشغل بالي بناس اختاروا يخرجوا من حياته

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

ومع الوقت بطلت أسأله رغم إن جوايا كان نفسي أعرف عيلتي وأشوف إذا كان ليا قرايب شبهي لكني احترمت رغبته لحد ما كبرت واتخطبت واتحدد يوم فرحي وكنت وقتها فاكرة إن كل الحكايات القديمة انتهت وإن اللي فات ملوش علاقة بحياتي الجديدة لكني مكنتش أعرف إن فيه حد من عيلة

أبويا لسه فاكر محمود وإن مرض جدي وكبر سنه هيكونوا السبب في إن الماضي يرجع يظهر في حياتنا في اليوم اللي المفروض يكون أسعد يوم في عمري

### الفصل الثاني
قبل فرحي بأسبوعين كنت قاعدة مع أمي بنراجع تفاصيل الفرح لما سألتها إذا كانت تعرف شكل جدي أو عندها أي صورة قديمة ليه لأنها أكيد شافته قبل ما أبويا يقطع علاقته بعيلته أمي سكتت شوية وبعدين قامت فتحت درج قديم في الدولاب وطلعت منه صورة صغيرة كانت باينة عليها علامات الزمن وفيها أبويا وهو شاب واقف جنب راجل كبير لابس جلابية وعمة على راسه

أمي قالت لي إن ده جدي وإن الصورة دي كانت مع أبويا من أيام ما كان لسه في البلد وإنه احتفظ بيها سنين طويلة رغم إنه كان بيقول إنه نسي كل حاجة تخص أهله ولما سألتها ليه محتفظ بيها قالت لي إن الإنسان ممكن يبعد عن ناس لكنه مش دايمًا

بيقدر يمسح ذكرياته معاهم

في الليلة دي واجهت أبويا بالصورة وسألته إذا كان لسه بيفتكر جدي فبص للصورة فترة طويلة وبعدين رجعها لي وقال لي إن الذكريات مش معناها إن الإنسان لازم يرجع لنفس المكان اللي اتوجع فيه وطلب مني إني أسيب الموضوع لأنه مش عايز مشاكل قديمة تدخل حياتي وأنا لسه ببدأ حياتي

الجديدة

احترمت كلامه ومفتحتش الموضوع تاني لكن قبل الفرح بأيام قليلة وصل لأبويا اتصال من عمي عبد الرحمن أخوه الكبير وكان أول تواصل بينهم من سنين طويلة عمي قال له إن جدي حالته الصحية بقت صعبة وإنه بقى يسأل عنه كتير وإنه نفسه يشوفه قبل ما يمو.

ت وإنه مش جاي يطلب منه يرجع البلد أو ينسى اللي حصل لكنه شايف إن من حقه يعرف إن أبوه ندم على اللي عمله

أبويا رفض في البداية وقال له إن السنين اللي فاتت مش هتتمسح بمكالمة وإنه مش عارف إذا كان يقدر يقابل أبوه بعد كل اللي حصل لكن عمي طلب منه يفكر بهدوء وقال له إنه مش هيضغط عليه وإنه لو قرر ييجي هيكون مرحب بيه