مش طالب منه يرجع ولا يسامحه غصب عنه لكنه يتمنى يشوفه مرة أخيرة

أنا كنت مستنية أبويا يفرح لأنه أخيرًا سمع الاعتذار اللي كان محتاجه لكنه قال لي إن الاعتذار مهما كان صادق مش بيرجع السنين وإنه مش عارف إذا كان يقدر يشوف جدي من غير ما يفتكر اليوم اللي طرده فيه

بعد يومين عمي اتصل تاني وقال إن حالة جدي مستقرة بشكل مؤقت وإنه لو أبويا قرر يزوره ممكن يسافروا في أي وقت وأبويا فضل يفكر لحد ما قرر يروح لكن بشرط إني أكون معاه عشان مايبقاش فيه حاجة تخص عيلتي أجهلها بعد كده

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ 4 أسابيع

سافرنا أنا وأبويا للقرية لأول مرة في حياتي ولما دخلنا البلد شفت الناس بتسلم عليه وبعضهم كان بيبص له بدهشة كأنهم مش مصدقين إنه رجع بعد كل السنين دي لكن أبويا كان هادي ومش بيتكلم كتير لحد ما وصلنا البيت الكبير اللي كنت بسمع عنه طول عمري

جدي كان قاعد على سرير في أوضة واسعة وباين عليه التعب ولما شاف أبويا حاول يقوم لكنه مقدرش فمد إيده ناحيته وقال له محمود أنا عارف إني اتأخرت عليك
أبويا قرب منه لكنه ممدش إيده في البداية وقال له إن اللي حصل زمان كان أكبر من مجرد خلاف على جوازة وإنه يوم ما طرده حس إنه فقد أبوه وهو لسه عايش وإنه اضطر يبني حياته من غير ما يكون عنده حد يرجع له وقت الشدة

جدي بدأ يعيط وقال له إنه كان فاكر إن ابنه هيرجع له في الآخر وإنه هيعرف يفرض رأيه زي ما كان بيفرضه على كل الناس لكنه اكتشف إن محمود كان مستعد يخسر كل حاجة ولا يعيش حياة مش عايزها وإنه ندم على كل يوم عدى من غير ما يشوفه

أنا كنت واقفة جنب أبويا وحسيت إن اللحظة دي أكبر من أي كلام وإن السنين اللي فاتت كلها واقفة بين الاتنين ومش سهل تختفي بمجرد اعتذار
جدي بص لي وسألني إذا كنت عارفة سبب الخلاف فقلت له إني عرفت جزء منه وإن أبويا طول عمره كان بيقول لي إنه معندوش أهل فقال لي إن ده حقه وإنه هو اللي خلاه يحس إنه مبقاش له أهل وإنه مش هيطلب مني ألوم أبويا أو أضغط عليه عشان يرجع

قبل ما نمشي جدي مسك إيد أبويا وقال له إنه مش عايز منه أي وعد وإنه بس كان نفسه يشوفه قبل ما يمو. ت وأبويا سكت شوية وبعدين قال له إنه مش قادر ينسى اللي حصل لكنه مش عايز يقضي باقي عمره شايل الغضب وإنه هيفضل يزوره طول ما ربنا كاتب له عمر

خرجنا من الأوضة وأبويا كان ساكت طول الطريق ولما سألته إذا كان مرتاح قال لي إنه مش عارف لكنه لأول مرة حس إن جدي سمعه من غير ما يحاول يفرض عليه قرار
### الفصل الرابع
بعد الزيارة أبويا بدأ يتصل بجدي كل كام يوم وبعد فترة بقى يسافر له في بعض الإجازات وأنا كمان بقيت أروح معاه وأتعرف على أعمامي وعماتي واحدة واحدة واكتشفت إن في ناس منهم كانوا فاكرين إن أبويا هو اللي قطع علاقته بالعيلة من غير سبب لأن جدي طول السنين كان بيحكي لهم إنه ابنه هو اللي اختار يبعد