عمري ما تخيلت إن اليوم اللي جوزي هيطلب مني فيه أسيب بيتي بإرادتي هيكون هو نفس اليوم اللي هعرف فيه أنا متجوزة راجل بيحبني بجد ولا متجوزة واحد شايفني مجرد وسيلة يريح بيها أهله على حسابي.

أنا اسمي نادية عندي تلاتة وتلاتين سنة ومتجوزة من شريف بقالنا سبع سنين ومعندناش عيال لحد دلوقتي ودي كانت أكتر حاجة مضايقاني في حياتي مش عشان أنا ناقصة حاجة لكن عشان كلام حماتي اللي مبيخلصش كل ما تشوفني لازم تلمح بكلمة توجعني وبعدين تبتسم وتقولي معلش يا بنتي دي إرادة

ربنا.

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

شريف كان عنده أخ أصغر منه اسمه كريم وده كان لسه خاطب بنت من عيلة ميسورة اسمها رنا وأهلها من أول يوم كانوا بيتعاملوا معاه على إنه لازم يثبت نفسه قدامهم عشان يبقى مناسب لبنتهم وكريم من النوع اللي بيحب يبان أكبر من إمكانياته ودايمًا بيحاول يرضي الناس حتى لو

على حساب اللي حواليه.

أنا وشريف كنا عايشين في شقة تمليك اشتريتها قبل الجواز بفلوس ورثتها عن أبويا ومعاها مبلغ كنت محوشاه من شغلي في شركة حسابات والشقة كانت باسمي لوحدي وشريف كان عارف ده من أول يوم لأننا اتفقنا وقتها إن كل واحد فينا يبقى ليه حقه وإن حياتنا تتبني بالمشاركة مش إن

طرف يشيل كل حاجة لوحده.

في الأول شريف كان بيحترم ده وكان بيقول قدام أهله إن الشقة دي بتاعة نادية وإن محدش له دعوة بيها لكن مع الوقت بدأت أحس إنه بيتغير خصوصًا بعد ما أخوه اتخطب وبقت أمه تتكلم طول الوقت عن تجهيزات الفرح والشقة اللي كريم المفروض يعيش فيها بعد الجواز.

وفي يوم رجع شريف من الشغل وقعد قدامي على السفرة من غير ما يغير هدومه حتى وبصلي وقال إن عنده موضوع مهم عايز يتكلم معايا فيه. قلتله خير يا شريف في إيه؟فضل ساكت شوية وبعدين قال إن كريم محتاج الشقة بتاعتنا عشان يتجوز فيها وإن أنا وهو ممكن نرجع نقعد في بيت العيلة الكبير لحد ما ربنا يفرجها علينا.

افتكرت في الأول إنه بيهزر فضحكت وقلتله يعني إيه نسيب بيتنا ونروح نقعد مع أمك وإخواتك بعد سبع سنين جواز؟اتنهد وقال إن الموضوع مش مستاهل كل ده وإن بيت العيلة كبير وفيه أوض فاضية وإننا هنكون وسط أهلنا بدل ما إحنا قاعدين لوحدنا.

سألته طب ما كريم يأجر شقة أو يشوف حل يناسب إمكانياته ليه أنا اللي أسيب بيتي؟اتغيرت ملامحه وقال إن أخوه لسه بيبدأ حياته وإن إحنا أكبر منه وعندنا خبرة وإن المفروض نساعده بدل ما نقف في طريق مستقبله.

حسيت إن الكلام مش مجرد اقتراح وإن القرار متاخد من غير ما حد يسألني أصلًا لكن اللي صدمني أكتر إنه كمل بمنتهى الهدوء وقال إن ده مش كفاية وإنه عايزني أبيع دهبي كمان عشان يساعدوا كريم في مصاريف الفرح والتجهيزات لأن أهل رنا مستنيين فرح يليق بمستواهم.