أنا ما صرختش ولا وقعت على الأرض زي ما كنت بتخيل لما كنت بخاف من مو. تها كل اللي عملته إني مسكت إيدها وبصيت لوشها اللي كان هادي بشكل وجع قلبي وبعدها افتكرت وصيتها وبدأت أبص حواليّ وأنا مش عارفة أتصرف إزاي أم محمد قالت لي إنها هتفضل معايا لحد ما أبويا يوصل لكني طلبت منها تتصل بيه فورًا لأن جدتي كانت دايمًا بتقول إن لازم يكون فيه حد كبير موجود وقت الشدة

أبويا رد بعد محاولات كتير ولما عرف الخبر سألني سؤال واحد خلاني أحس إن فيه حاجة غلط قال لي جدتك كانت سايبة معاها فلوس أو دهب يا ندى؟بصيت لجثمان جدتي وقلبي اتقبض وقلت له معرفش يا بابا

قفل المكالمة بسرعة ومن غير ما يسألني أنا عاملة إيه ولا محتاجة حاجة وبعد أقل من ساعة لقيت أمي سعاد بتتصل بيا وتسألني إذا كنت فتحت دولاب جدتي أو بصيت في علبها القديمة ولما قلت لها لأ قالت لي ما تلمسيش أي حاجة لحد ما نوصل

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

في اللحظة دي فهمت إن مو. ت جدتي مش هيكون نهاية حزني وبس لكنه ممكن يكون بداية مصيبة أكبر وكنت لسه هكتشف إن جدتي سابت لي سر ما كانش ينفع أعرفه بالطريقة دي
### الفصل الثاني

أبويا وصل بعد العشا ومعاه سعاد وأول ما دخلوا البيت ما قربوش من جدتي غير ثواني قليلة وبعدها سعاد جريت ناحية الدولاب وبدأت تطلع الهدوم وتحطها على الأرض وأبويا راح ناحية صندوق خشبي كانت جدتي بتحط فيه حاجاتها القديمة وفضل يقلب فيه بعصبية لحد ما لقى علبة صغيرة فيها شوية فكة ومبلغ حوالي ألف جنيه كانت جدتي بتجمعهم من مصروفها

سعاد مسكت الفلوس وقالت له هو ده كل اللي كانت مخبياه؟ طب والسلسلة اللي كانت في رقبتها راحت فين؟أبويا بص لي فجأة وسألني إنتي شلتي السلسلة قبل ما نمشي؟قلت له لأ والله ما لمست حاجة

قرب مني وقال بحدة إوعي تكوني مخبية عني حاجة دي أمي وأنا أحق بكل اللي سابته
أم محمد اللي كانت قاعدة جنب الباب اتدخلت وقالت له استهدى بالله يا أستاذ محمود دي بنت صغيرة ولسه جدتها ميتة من كام ساعة بدل ما تطمن عليها بتسألها عن الدهب؟

بص لها بضيق وقال لها دي أمور عائلية ومش من حق حد يتدخل فيها وبعدها طلب مني أطلع أنام في الأوضة الصغيرة لحد ما يخلصوا اللي بيعملوه
دخلت الأوضة وفضلت قاعدة على السرير وأنا سامعة صوتهم وهما بيتخانقوا على مصاريف الجنازة وعلى الفلوس اللي مش لاقيينها ولما سعاد قالت إنها مش هتدفع جنيه زيادة في مصاريف الدفن أبويا رد عليها إنه هيخصم كل حاجة من أي فلوس يلاقوها في البيت

تاني يوم اتدفنت جدتي ورجعنا بعد الجنازة وأنا كنت مستنية أبويا يقولي هعمل إيه في دراستي أو هعيش مع مين لكنه رمى قدامي ميت جنيه وقال لي هتفضلي هنا لحد ما نشوف هنعمل إيه في البيت وبعدها مشي مع سعاد من غير ما يسألني إذا كنت محتاجة أكل أو عندي