أخدت بنت أخويا بعد وفاته ومراتي أصرت أوديها لخالها، لكن قبل ما تمشي اكتشفت سر أخويا اللي قلب حياتنا كلناعمري ما تخيلت إن اليوم اللي هاخد فيه بنت أخويا تعيش معايا بعد وفاته هيكون بداية لمشكلة تهدد جوازي وتكشفلي حقيقة ناس كنت فاكرهم أقرب الناس لينا.
أنا اسمي حازم عندي ٣٥ سنة ومتجوز من نجلاء بقالنا تلات سنين ولسه ربنا مرزقناش بأطفال وأخويا الكبير سامح كان أقرب إنسان ليا في الدنيا ولما مات هو ومراته في دــ,,ـــــادثة عربية على الطريق الصحراوي ساب بنته ليلى عندها سبع سنين من غير أب ولا أم.
يوم العزا كنت شايف البنت قاعدة في حــ,,ـــــضن أمي مش فاهمة ليه كل الناس بتعيط وليه محدش بيرد عليها لما تسأل إمتى بابا وماما هيرجعوا فضلت ماسكة صورة أبوها ومش راضية تسيبها لحد ما قربت منها وشيلتها بين إيديا وقلتلها إن أنا هاخدها تعيش معايا وإن محدش هيبعدها عني.
بصتلي بعيون مليانة دموع وقالتلي هو إنت كمان هتمــ,,ـــــوت يا عمو؟السؤال ده وجع قلبي أكتر من خبر الدــ,,ـــــادثة نفسه ومن ساعتها أخدتها بيتي ونجلاء في الأول كانت حنينة معاها بشكل خلاني أشكر ربنا عليها كانت بتجهز لها أكلها وبتوديها المدرسة وبتقعد معاها تراجع دروسها ولما ليلى كانت تصحى بالليل مفزوعة من الكوابيس كانت نجلاء بتاخدها في حــ,,ـــــضنها لحد ما تنام.
كنت فاكر إن ربنا عوض البنت عن أهلها ببيت يلمها وإن مراتي مش بس هتكون أم حنينة لليلى لكن كمان وجود البنت هيقربنا من بعض ويمكن يفتح باب الرزق ونخلف إحنا كمان. لكن بعد حوالي خمس شهور بدأت نجلاء تتغير واحدة واحدة بقت تتضايق من مصاريف المدرسة والدروس وتقول إن البيت مبقاش فيه خصوصية وإن كل حاجة لازم تتحسب على حساب البنت ولما كنت أقول لها إن ليلى يتيمة وملهاش ذنب كانت ترد إن هي مش بتكرهها وإن من حقها تتعب من المسؤولية.
حاولت أراعي تعبها وكنت باخد ليلى معايا لأمي في الإجازات وأرجع أجيب طلبات البيت وأساعد في مذاكرتها لكن المشكلة ما اتحلتش بالعكس نجلاء بقت عصبية مع البنت على حاجات بسيطة. في يوم رجعت من الشغل لقيت ليلى قاعدة في أوضتها بتاكل عيش وجبنة وبتخبي طبقها أول ما شافتني قامت بسرعة وحطته على المكتب.
سألتها إنتِ بتعملي إيه يا حبيبتي؟قالتلي مفيش يا عمو أنا شبعت. لقيت عينيها حمرا وعرفت إنها كانت بتعيط ولما ضغطت عليها تحكيلي قالت إن نجلاء اتعصبت عليها عشان طلبت منها تعمل لها سندوتش قبل ما تروح التمرين وقالت لها إنها مش خدامة عند حد.
دخلت لنجلاء وواجهتها بالكلام لكنها ردت إنها كانت مضغوطة وإن البنت بقت تعتمد عليها في كل حاجة وإن أنا مش شايف غيرها. قولتلها ليلى عندها سبع سنين يا نجلاء مش طفلة كبيرة عشان نطلب منها تعتمد على نفسها في كل حاجة. ردت بعصبية وأنا عندي كام سنة يا حازم؟
أنا كمان نفسي أبقى أم وأربي عيالي أنا مش داخلة الجواز عشان أشيل مسؤولية بنت غيري طول عمري. الكلام وجعني لكني حاولت أهدى وقلتلها إن ليلى مش هتفضل صغيرة وإننا نقدر ننظم حياتنا من غير ما نحسسها إنها عبء علينا.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.