### الفصل التالت مع أول ضوء للنهار خرج محمود من المست,شفى وهو مرهق ومش قادر يتكلم كتير. رباب كانت ماشية جنبه وسنداه من دراعه ولما وصلنا البيت أمها كانت مستنيانا قدام الباب لأنها فضلت طول الليل تتصل ببنتها ومحدش كان بيرد عليها.

أول ما شافت محمود بالحالة دي جريت على بنتها وسألتها إيه اللي حصل؟ رباب مقدرتش تخبي عنها وحكتلها كل حاجة من أول ضغطنا عليه لحد المستحضر اللي أخده ودخل بسببه المستشفى. أمينة بصتلي وقالتلي إنتي كنتي عايزة تستري على ابنك فعرّضتي حياته للخطر؟

أنا مش هقدر أسيب بنتي في بيت كل اللي فيه شايفين إن سمعتهم أهم من صحتها وكرامتها. حاولت أتكلم وأقولها إني غلطت وإن خوفي عَمّاني لكن هي كانت خلاص أخدت قرارها. دخلت بنتها تجمع هدومها وأنا وقفت في مكاني مش قادرة أمنعها المرة دي.

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهريناتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

محمود خرج من أوضته بالعافية وقال لرباب استني شوية أنا عارف إني ظلمتك بس اديني فرصة أصلح اللي حصل. رباب بصتله والدموع في عينيها وقالتله أنا عمري ما كرهتك يا محمود وأنا عارفة إنك تعبان ومش بإيدك كل حاجة لكن اللي وجعني إن محدش فيكم سألني أنا حاسة بإيه.

كل مرة كنت بسكت كنت بتمنى حد يطمني ويقولي إننا هنواجه المشكلة سوا بدل ما أفضل حاسة إني متهمة طول الوقت. الكلام ده وجعني أكتر من أي شتيمة ممكن أسمعها. كنت طول الشهور اللي فاتت شايفة رباب سبب المشكلة مع إنها كانت أكتر واحدة بتحاول تحافظ على البيت.

نادية نفسها كانت واقفة بعيد ومش قادرة ترفع عينها في عين أختها في الجواز بعد اللي قالته يوم زيارة أمها. وقبل ما رباب تمشي محمود قال لها أنا هروح لدكتور زي ما كنت عايز من الأول ومش هطلب منك ترجعي غير لما تبقي إنتي مقتنعة إنك عايزة ترجعي.

رباب سكتت لحظة وبعدين قالتله روح اتعالج لنفسك قبل أي حد وأنا مش هقرر حاجة وإنت لسه تحت ضغط أمك والناس. خرجت رباب مع أمها وفضل البيت ساكت بشكل عمري ما شفته قبل كده. بعد يومين بدأ الكلام ينتشر في البلد عن دخول محمود المست,شفى وإن فيه مشكلة بينه وبين مراته.

حاولت أوقف الكلام لكن كل ما أبرر لحد ألاقي نفسي بفتح باب لأسئلة أكتر. وبعد أسبوعين راح محمود لدكتور متخصص وبدأ يتابع حالته بهدوء واتضح له إن القلق الشديد والخوف من الفشل كانوا بيزودوا المشكلة وإنه محتاج علاج ومساندة نفسية من غير ضغط أو إحراج.

لأول مرة من شهور حس إنه يقدر يتكلم عن اللي جواه من غير ما حد يحكم عليه. أما أنا فاضطريت أواجه نفسي وأعترف إن اللي حصل مكنش بسبب رباب ولا بسبب سحر ولا بسبب نقص في رجولة ابني.