رجعت من الغربة بعد 3 سنين أدور على مراتي اللي اختفت بعد مــ,,ـــــوت بنتي.. ولما لقيتها تحت الكبري ومعاها طفلة صغيرة عرفت سر قلب حياتي أول ما رجعت من الغربة وفتحت باب بيتي ملقتش مراتي ولا بنتي في استقبالي زي ما كنت بحلم طول سنين سفري ولما سألت أهلي عنهم أمي انفجرت في العياط وقالتلي إن بنتي ماتت وإن مراتي هربت بعد اللي حصل ومن اللحظة دي وأنا عايش بجسم بيتحرك وروح مش عارفة تستقر لحد ما بعد تلات سنين شفت مراتي مغمى عليها جنب كوبري ومعاها طفلة صغيرة عمرها ما شافتها عيني قبل كده واللي اكتشفته بعدها خلاني أعيد حساب كل حاجة كنت مصدقها.
اسمي محمود عندي تلاتين سنة ومتجوز دنيا من سبع سنين وكنا عايشين حياة بسيطة في شقة صغيرة في بيت عيلتي ورغم إن إمكانياتنا كانت على قدنا إلا إننا كنا راضيين ومبسوطين ببعض وربنا رزقنا ببنت اسمها حنين كانت عندها ست سنين لما سافرت السعودية عشان أشتغل هناك بعد ما الشركة اللي كنت شغال فيها في مصر قللت العمالة ومرتبي مبقاش مكفي مصاريف البيت.
دنيا مكنتش عايزة تسافرني بعيد عنها وعن بنتها لكن لما عرفت إن المرتب هيكون أضعاف اللي باخده في مصر وإننا ممكن نجمع فلوس نجيب شقة لوحدنا وافقت وهي بتحاول تخبي دموعها وقالتلي إنها هتقعد مع أمي لحد ما أرجع وإنها هتخليني أكلم حنين كل يوم.
وفعلا سافرت وكنت بتصل بيهم كل ليلة تقريبا وحنين كانت بتفضل تحكيلي عن المدرسة وصحباتها وتسألني كل شوية هترجع إمتى وأنا أوعدها إني أول ما أقدر هنزل وأجيب لها العروسة الكبيرة اللي كانت نفسها فيها.
لكن بعد حوالي تمان شهور بدأت أحس إن دنيا اتغيرت بقت قليلة الكلام ولما أسألها مالك تقوللي مفيش يا محمود أنا بس تعبانة شوية ولما أطلب أشوف حنين تقولي إنها نامت أو عندها واجب ومشغولة وكنت أعدي الموضوع على أساس إن الغربة بتخليني أشك في كل حاجة وإنها أكيد تعبانة من مسؤولية البيت والبنت.
وفي مرة كنت بكلمها بالليل سمعت صوتها بيعيط ولما سألتها في إيه قالتلي إنها وحشتني وإنها تعبت من غيابي وإنها نفسها أرجع حتى لو هنعيش على قدنا حاولت أطمنها وقلت لها إني مش هطول وإننا قربنا نحقق اللي سافرنا عشانه لكنها سكتت فجأة وقالتلي بصوت واطي إنها خايفة من حاجة بتحصل ومش عارفة تتصرف إزاي ولما فضلت أسألها قالت إنها تقصد إنها خايفة عليا من التعب وقفلت الكلام بسرعة.
من بعدها بقيت أتصل أكتر لكن أمي كانت دايما بترد وتقولي إن كلهم بخير وإن دنيا بتسلم عليا وحنين بتسأل عني ولما كنت أطلب أكلم مراتي كانت تقوللي إنها خرجت تشتري حاجات أو راحت تزور واحدة من قرايبها وكنت مستغرب لكن مكنش عندي دليل على أي حاجة.
لحد ما في يوم اتصلت بدنيا كذا مرة ولقيت تليفونها مقفول واستنيت لحد الصبح واتصلت بأمي لقيتها بتكلمني بصوت غريب ولما سألتها عن مراتي قالتلي إنها مش موجودة عندها وإنها هتكلمني لما ترجع قلبي اتقبــ,,ـــــض وحسيت إن فيه حاجة كبيرة بتحصل من ورايا وفضلت ألح عليها لحد ما قالتلي إنها هتتصل بيا بعدين.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.