وقفت قدامها وقلبي مليان أسئلة وقلت لها أيوه أنا محمود اللي إنتي اختفيتي من حياته تلات سنين كاملة من غير ما حتى تقوليلي بنتي ماتت إزاي.
نزلت دموعها وغطت وشها وقالتلي أنا عارفة إني مليش حق أطلب منك تسمعني بس أرجوك متسألنيش قدام البنت.
بصيت لملك اللي كانت واقفة عند باب الأوضة وخايفة من صوتنا فخرجت معاها للممر وجبت لها عصير وسندوتش من الكافتيريا وبعدها رجعت لدنيا وقلت لها دلوقتي اتكلمي أنا عايز أعرف بنتي ماتت إزاي وإنتي كنتي فين كل السنين دي.
فضلت ساكتة فترة طويلة وبعدين قالتلي إن حنين فعلا ماتت في دــ,,ـــــادثة لكن مش بالطريقة اللي أهلي حكوهالي وإنها يومها كانت عند أمي في البيت وإن أمي طلبت منها تنزل تجيب دواء لواحد من إخواتي وإنها سابت حنين معاها لأنها كانت فاكرة إنها نايمة.
ولما رجعت اكتشفت إن حنين نزلت ورا بنت من الجيران كانت رايحة تشتري حاجة من المحل القريب وإنها اتعرضت للدــ,,ـــــادثة وهي بتعدي الشارع.
سألتها بغضب يعني إنتي سبتي بنتك ومشيتي من غير ما تتأكدي إنها مع حد كبير قالتلي إنها كانت فاكرة إن أمي موجودة وإنها مكنتش تعرف إن حنين هتنزل وبدأت تعيط وهي بتقول إنها عمرها ما سامحت نفسها على اللي حصل.
لكنها كملت وقالتلي إن الصدمة الحقيقية بدأت بعد وفــ,,ـــــاه حنين لما أمي حملتها المسؤولية كلها واتهمتها إنها مهملة وإنها السبب في مــ,,ـــــوت بنتها وإنها لو كانت أم كويسة مكنش ده حصل.
قلت لها حتى لو حصل خلاف بينك وبين أمي إيه اللي يمنعك إنك تكلميني وتشرحيلي الحقيقة بدل ما تهربي وتسيبيني تلات سنين مش عارف عنك حاجة.
بصتلي وقالتلي إنها حاولت تتصل بيا يوم الدــ,,ـــــادثة لكن أمي خدت منها التليفون وقالتلها إنك لو عرفت اللي حصل هترجع وت. ها من الغضب وإن الأفضل تختفي لحد ما تهدى الأمور.
ماكنتش عارف أصدق إيه وأكذب إيه لكني كنت متأكد إن فيه حاجات كتير اتقالت لي بشكل مختلف عن الحقيقة فسألتها عن ملك فقالتلي إنها مش بنتها وإنها بنت واحدة كانت تعرفها من الشغل ماتت من حوالي سنة بعد مرض طويل وإنها كانت بتساعدها قبل مــ,,ـــــوتها.
بعد وفــ,,ـــــاه الست ملقتش ملك حد من أهلها يرعاها وكانت الطفلة بتتنقل بين ناس من معارف أمها وكل شوية حد يرفض يستضيفها لحد ما دنيا قررت تاخدها تعيش معاها بشكل مؤقت لحد ما تلاقي حد من أهلها يقدر يتولاها.
سألتها وإنتي إزاي عايشة معاها من غير ما يكون فيه حد مسؤول عنها قالتلي إنها كانت بتحاول تدبر ورقها وتوصل لقرايب أمها لكن الظروف كانت صعبة وإنها اشتغلت في تنظيف البيوت عشان تصرف عليها وعلى نفسها.
مكنتش عارف أتعاطف معاها ولا ألومها على كل اللي فات لكن سؤال واحد كان لسه بيطاردني وهو ليه محدش حاول يوصلني بالحقيقة وليه أمي أصرت إن دنيا هربت بعد مــ,,ـــــوت بنتي.
قررت أرجع البيت وأواجه أمي وأسمع منها الحكاية كاملة وبعد ما اطمنت إن دنيا هتفضل تحت الملاحظة شوية وإن ملك هتاكل وترتاح خرجت من المستشفى وأنا حاسس إن اللي جاي أصعب من كل اللي عديت بيه.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.