حمايا عمل ثقب ورا صورة حماتي بيبص علي غرفة نومي وبسببه اتقلب حياتي لجحيم.. ولما حكيت لجوزي اللي شوفته قفل عليّا باب الأوضة وخرج يعمل حاجة ما كنتش أتخيلها!عمري ما تخيلت إن يوم عادي هبدأه بتنضيف شقة حمايا هيكون اليوم اللي هكتشف فيه إن في سر مستخبي جوه بيتنا من شهور وإن جوزي لما يعرف باللي اكتشفته مش هيقف جنبي زي ما كنت متوقعة بل هيتصرف بطريقة تخليني أشك إن في حاجة أكبر بكتير من مجرد ثقب في الحيطة

أنا اسمي نادية عندي تسعة وعشرين سنة ومتجوزة من شريف بقالنا أربع سنين وكان عندنا بنت صغيرة اسمها ليلى عندها تلات سنين حياتنا كانت مستقرة على قد حالنا شريف بيشتغل محاسب في شركة مقاولات وأنا كنت بشتغل من البيت في تفصيل الهدوم لحد ما خلفت بنتي ووقفت شغل فترة عشان

أقدر أهتم بيها

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

كنا ساكنين في شقة فوق شقة بابا شريف عم صبحي راجل عنده سبعة وستين سنة وعايش لوحده من يوم ما مراته ماتت بعد تعب طويل وكان ابنه شريف هو أقرب حد ليه لأنه ابنه الوحيد

عم صبحي من يوم وفــ,,ـــــاه مراته اتغير تمامًا بقى قليل الكلام ومبقاش يحب يقعد مع حد زي الأول وحتى لما كنا بننزل نزوره كان بيقعد ساكت بالساعات وعينيه معلقة على صورة مراته اللي كانت موجودة في كل ركن في شقته

في البداية كنت بحاول أخرجه من الحالة دي وأعمله الأكل اللي بيحبه وأخلي ليلى تقعد معاه شوية لأنها كانت الحاجة الوحيدة اللي بتخليه يبتسم لكن بعد فترة صحته بدأت تتراجع وبقى ينسى مواعيد علاجه ويقع منه الأكل وهو بياكل لوحده

شريف قرر وقتها إننا ننقله يعيش معانا في شقتنا بدل ما يفضل لوحده وأنا وافقت رغم إن شقتنا مش كبيرة لأن الراجل كان محتاج رعاية ومكنتش شايفة إن فيه سبب يخلينا نسيبه يواجه وحدته وتعبه لوحده

جهزنا له أوضة صغيرة جنب أوضتنا وحطينا فيها سر,,ـــــيره ودولابه وحاجته الشخصية وفي أول أسبوع حاولت أساعده في ترتيب هدومه لكنه اتضايق وطلب مني أسيبه يرتب حاجته بنفسه فاحترمت رغبته ومبقتش أدخل أوضته إلا لما يكون موجود أو لما يطلب مني حاجة

لكن مع مرور الوقت بدأت ألاحظ تصرفات غريبة منه كان بيقفل باب أوضته بالمفتاح حتى لو خرج يشرب مية لدقايق وكان ساعات يقف قدام الحيطة اللي بين أوضته وأوضتنا كأنه بيدور على حاجة ضايعة منه ولما كنت أسأله كان يرد باختصار إنه بيفتكر أيام زمان

في مرة دخلت أقدم له العلاج لقيته واقف قدام صورة مراته الكبيرة المعلقة على الحيطة ولما شافني اتحرك بسرعة ناحية السر,,ـــــير وحط علبة الدوا فوق الكومودينو من غير ما يبصلي وافتكرته وقتها مجرد راجل كبير لسه مش قادر يتجاوز حزنه

شريف كمان كان بيتصرف بغرابة لما أتكلم عن تصرفات أبوه كان يقاطعني ويقول لي إنه اتغير بعد وفــ,,ـــــاه أمه وإننا لازم نتــ,,ـــــحمله مهما عمل وكنت بعتبر ده طبيعي لأنه ابنه الوحيد ومش عايز يحس إن أبوه عبء علينا