قلت له أنا مش فاهمة إنت بتتكلم عن إيه وإيه حكاية إن الموضوع ده انتهى من زمان وإيه علاقة أمك باللي حصل
قعد شريف على طرف السر,,ـــــير وحط إيده على راسه وقال لي إنه محتاج يحكي لي حاجة عن أبوه عمره ما كان بيحب يتكلم فيها لأنها كانت من أصعب الفترات اللي عدت على عيلته

قال لي إن عم صبحي من حوالي سبع سنين مر بأزمة نفسية شديدة بعد ما خسر مبلغ كبير في شغله وقتها بدأ ينعزل عن الناس ويشك في تصرفاتهم ويفسر أي موقف بسيط على إنه محاولة لإيذائه أو إخفاء الحقيقة عنه ومع الوقت بقى نومه قليل وعصبيته زادت وبدأت تصرفاته تتغير

بشكل واضح

الأكثر قراءة الان

رجعت من شغلي لقيت حماتي بتلم هدومي من الدولاب.. ولما سألتها: "إنتِ بتعملي إيه؟" قالتلي كلمة خلتني أسيب الشنطة من إيديمنذ شهرفي جوف الليل 🤲 اقرأ هذه الآية 11 مرة يأتيك الرزق والمال في الصباح بأممنذ شهراتجوزت أنا وصديقي في يوم واحد من بنتين أخوات توأم متطابق بس بعد مدة اكتشفنا إنهم 2 بتفكير شياطينمنذ شهر

حماتي وقتها كانت بتحاول تقنعه يروح لدكتور لكنه رفض في البداية وكان شايف إن مفيش أي مشكلة عنده وإن كل اللي حواليه هما اللي اتغيروا وبعد فترة لما حالته ساءت وبقى مش قادر يدير شغله ولا يهتم بنفسه وافق أخيرًا يروح لطبيب متخصص

شريف حكى لي إن أبوه خضع للعلاج فترة طويلة والتزم بالأدوية والمتابعة لحد ما حالته اتحسنت ورجع يعيش حياته بشكل طبيعي تقريبًا وبقى أهدى في التعامل مع الناس وبطل الشكوك اللي كانت مسيطرة عليه
ومن وقتها عدت سنين وهو مستقر وحماتي كانت دايمًا بتفكره بمواعيد علاجه في البداية لحد ما بقى قادر يتابع حالته بنفسه تحت إشراف الدكتور وبعد ما الطبيب سمح له بتقليل العلاج فضل مستقر فترة طويلة

لكن لما حماتي ماتت حصل تغيير كبير في حياته الراجل اللي عاش معاها أكتر من أربعين سنة لقى نفسه فجأة لوحده في شقة مليانة ذكرياته معاها مبقاش عنده حد يكلمه كل يوم ولا حد يفكره ياكل أو يخرج أو يهتم بنفسه ومع مرور الشهور بدأ يرجع للعزلة والسهر والقلق

شريف قال لي إنه لاحظ التغيير ده لكنه كان فاكر إنه حزن طبيعي بعد الفقد وإن أبوه محتاج وقت عشان يتعود على حياته الجديدة وإنه لما نقله يعيش معانا كان هدفه يخرجه من الوحدة ويخليه وسط العيلة

سألته طيب إيه علاقة كل ده بالثقب اللي في الحيطة فقال لي إنه لحد النهارده نفسه مش عارف إذا كان أبوه عمل الثقب ده من قريب ولا كان موجود من زمان وإيه الغرض الحقيقي منه لكنه متأكد إن أبوه رجع يتصرف بطريقة غير طبيعية وإنه محتاج مساعدة طبية

قلت له يعني إنت عمرك ما شفت الثقب ده قبل النهارده فقال لي إنه أول مرة يعرف بوجوده كانت من كلامي وإنه لما سمعني بحكي عنه اتصدم لأنه مكنش يتخيل إن أبوه ممكن يعمل حاجة زي دي

سألته عن الجملة اللي سمعته بيقولها لأبوه وإن الموضوع انتهى من زمان فقال لي إنه كان بيتكلم عن مرض أبوه القديم وعن الفترة اللي اتعالج فيها وإنه كان فاكر إن الأعراض دي انتهت ومش هترجع تاني

حسيت إن الصورة بدأت تتضح لكن ده مغيرش حقيقة إن خصوصيتي اتعرضت للخطر وإن الثقب كان موجود في الحيطة اللي بين أوضتنا وأوضة حمايا وإن صورة حماتي كانت بتغطيه بشكل يخلي اكتشافه صعب
قلت لشريف أنا متفهمة إن أبوك مريض وإنه فقد شريكة عمره لكن ده مش معناه إننا نسكت عن اللي حصل أو نعتبره حاجة عادية لازم نعرف إذا كان بص من الثقب ده فعلًا ولا لأ ولازم نتأكد إن مفيش فتحات تانية في البيت